wiersze w śląskim przek przekładzie

bmwe34

Znalazłem na forum nikona. Znane wierszyki w przekładzie na śląską gwarę. Są kapitalne więc je tu wklejam.

LOKOMOTYWA

Jest na banhofie ciynszko maszyna
Rubo jak kachlok - niy limuzyna
Stoji i dycho, parsko i zipie,
A hajer jeszcze wongiel w nia sypie.
Potym wagony podopinali
I całym szwongym kajś pojechali.

W piyrszym siedziały se dwa Hanysy
Jeden kudłaty, a drugi łysy,
Blank sie do siebie niy łodzywali,
Bo się do kupy jeszcze niy znali.

W drugim jechała banda goroli
Wiyźli ze soba krzinka jaboli
I pełne kofry samych presworsztóf
I kabanina prościutko z rusztu.
Pili i żarli, jeszcze śpiywali,
Potym bez łokno wszyscy rzigali.

W czecim Cygony, Żydy, Araby
A w czwartym jechały zaś same baby.
W piontym zaś Ruski. Ci mieli życie!
Sasza łożarty siedzioł na tricie.
Gwiozda na czopce, stargane łachy,
Krziwiył pycholem i ciepoł machy.

W szóstym zaś były same armaty,
Co je wachował jakiś puklaty.
W siódmym dwa szranki, pufy, wertikol,
Smyczy maszyna może donikąd.

Jak przejyżdżali bez te Piekary
Kaj wom to robiom kółka do kary,
Maszyna sztopła! Kufry śleciały
I każdy latoł jak pogupiały.

To jakiś ciućmok abo i łajza!
Ciupnął i ślimtoł sygnal na glajzach.
Mug iść do haźla abo do lasa,
Niy pokazywać tego mamlasa!
Potym mu do szmot fest nakopali,
Maszyna ruszyła, cug jechoł dali.

Bez pola, lasy, góry, tunele,
Za sobom darł samym te duperele
Aż się zagrzoły te biydne glajzy,
Maszyna sztopła i koniec jazdy.

PAWEŁ I GAWEŁ
Uwe i Wili

Uwe i Wili w jednej stali wili,
Uwe na wierchu, a Wili na dole.
Uwe spokojny nie wadzi nikomu,
A Wili wyrobioł choby we stodole.

To pies, to hazok, ciepoł w nim ryczkami,
Gupioł i tyrpoł, durch trzaskoł dźwierzami.
A kady szczylać naczął z platzpatronów,
To dymu pełno było w cołkim domu.

Uwe sie wnerwił, śloz na dół do niego
I pado: „Wili, jo nie strzymia tego!”
A Wili na to: „Co komu do jemu, a jemu do komu;
Ty giździe pieroński, jo jest w swoim domu.”

Uwe po gowie ino sie poszkroboł,
Poszoł do siebie i coś medytowoł...

Rano Wili jeszcze na szezlongu chrapie,
Naroz mu z gipsdeki coś na kichol kapie.
Serwoł sie Wili, leci ku górze.
Stuk! Puk! Zamknione!!!

Filuje przez dziurka: Herr Jesu, cołko izba w wodzie,
A Uwe se siedzi z wyndkom na komodzie.

„Was machts du, Uwe?!”, „Jo se fisza łowia!”
„Du bist Idiot, mnie kapie na gowa!”
A Uwe mu na to: „Co komu do jemu, a jemu do komu,
Ty giździe pieroński, jo jest w swoim domu.”

PAN HILARY
Pon Hilary

Pon Hilary łod niedzieli
Po chałupie szuko breli.
Szuko w gaciach i kabocie,
Kiery wdzioł przi robocie,

Obmacuje badehołzy,
Z geburtstagu, ... te od Rozy.
Potym skoczoł na gylynder,
Żeby pojrzeć na blumsztynder.

Szukoł w szranku i byfyju,
I w piwnicy i antryju,
W zeloźnioku i kachloku.
Pod delinom i w parzoku.

Nawet za wertikym w siyni,
Ale bryle diobli wziyni.
Już go wszelko chynć opadła,
Naroz pojrzoł se do zdrzadła,

I pomyśloł � Ty ramolu,
Dyć je nosisz na kicholu.